Murad Həsənov Qarabağ Universitetinin Humanitar və Sosial Elmlər fakültəsində müəllimdir. O, Budapeşt şəhərində yerləşən Corvinus Universitetində Beynəlxalq Münasibətlər ixtisası üzrə bakalavr dərəcəsi almışdır. Daha sonra Mərkəzi Avropa Universitetində Siyasi Elmlər üzrə magistr təhsilini tamamlamışdır və hazırda İstanbul Universitetində Avropa İttifaqı Araşdırmaları üzrə doktorantura təhsili alır.

Bundan əlavə, o, Vyana Diplomatik Akademiyasında Beynəlxalq Münasibətlər üzrə Danışıqlar Strategiyası sahəsində ixtisaslaşmış təlim keçmişdir.

Onun tədqiqat maraqları təhlükəsizlik araşdırmaları, Avropa İttifaqı məsələləri, Yaxın Şərq siyasəti və onun qlobal təsirləri, həmçinin siyasi və sosial nəzəriyyəni əhatə edir.

Elmar Mustafayev Qarabağ Universitetinin Humanitar və Sosial Elmlər Məktəbinin dekanı vəzifəsində çalışır. Onun tədqiqat maraqları əsasən Avropalaşma, Avropa İttifaqının xarici siyasəti və Cənubi Qafqazın geosiyasəti mövzularını əhatə edir.

Qarabağ Universitetinə qoşulmazdan əvvəl o, 2016–2021-ci illərdə Xəzər Universitetində çalışıb. Bakalavr təhsilini Qafqaz Universitetində alıb, Beynəlxalq Münasibətlər üzrə magistr dərəcəsini və Beynəlxalq Münasibətlərin Tarixi ixtisası üzrə Doktorantura təhsilini isə Sapienza Universitetində alıb.

Tunar Məmmədov hazırda Qarabağ Universitinddə Beynəlxalq Münasibətlər ixtisası üzrə təhsil alır. Onun akademik maraqları əsasən beynəlxalq siyasət, regional təhlükəsizlik və Cənubi Qafqazdakı siyasi proseslər üzərində cəmləşir.

Onun tədqiqat maraqları regional münaqişələr, geosiyasi dinamika və müasir beynəlxalq münasibətləri formalaşdıran amillərin araşdırılmasını əhatə edir. O, xüsusilə Cənubi Qafqaz regionunu müəyyən edən mürəkkəb siyasi proseslərin və təhlükəsizlik problemlərinin təhlili ilə yaxından məşğul olur.

Xədicə Ağaməmmədova hazırda Qarabağ Universitetində Beynəlxalq Münasibətlər ixtisası üzrə təhsil alır. O, müxtəlif akademik layihələrdə və könüllü təşəbbüslərdə fəal iştirak etmişdir. Onun əsas tədqiqat maraqları Cənubi Qafqaz regionunda baş verən siyasi proseslərə, həmçinin Yaxın Şərqə dair müasir məsələlərə yönəlmişdir.

Fatimə Sadıxova hazırda Qarabağ Universiteti Beynəlxalq Münasibətlər ixtisası üzrə təhsil alır. O, müxtəlif akademik layihələrdə və könüllü təşəbbüslərdə fəal iştirak etmişdir. Onun əsas maraq sahələrinə beynəlxalq münasibətlərin tarixi, eləcə də Cənubi Qafqaz və Yaxın Şərq regionlarında baş verən siyasi proseslər daxildir.